Monday, August 25, 2008

New and Unpublished Tamang lyrical Poems By

Deependra Dong Tamang

All this poems are only for personel viewing. Nobody are allowed to Record and Publish this Poems Without Permission By the Auther.For permission email at tamangd@gmail.com or contact at 9841340428 in Nepal
1
Ashyangla jhame ngala chhame
rimthim hyanden yangba chu hak
Jhan thela firi pari hrangba maichgyang
mrangmam taji hoi sem chak chak.



Ganduta khu hrang dai ato ashyangla jaame ta wham aato
Brau ni maichyang aama ta chang byarthala tilai swang laato
Maukase khaldai abran ro tala hoi lichha sem thak thak



Fyukpola kola nga theba khalai aare hoi nga teba
Kyar khau maichyang tikau chhyam byarthai tilda ye peba
Nibari hinsam dhatten brau aalau yese sem dhak dhak.
2065 Jeth 23 Gate Bihibar
Okazaki,Japan
2
Tini nghangar Namsa dhimri tila taasi jinji tala
Koilee ngyaba pulang hriri pulang oor oor minji tala.



Ra mhe chhapa niu laasi Sem ting dikpa hro diksi
Gaden chasi braba muba gisem gila pro feksi
Chhyamnon braba the hro gade khalang dosi jinji tala
Koilee ngyaba pulang hriri pulang oor oor minji tala.



Pada sarba pada hriri Mhendo khyapma kyaboiri
Gaden jeba mrangba muba machyang kade Jama duiri
Chhame shoba theni kallai dhimnam taasi jinji tala
Koilee ngyaba pulang hriri pulang oor oor minji tala.



2065 Jeth 27 Gate Sombar
Okazaki,Japan
3
Mhangla Sai sasto tasam kyongsen mhangche hrupsela
Chyakchhik bhenan deba semye mhangla tupse dhupsela.



Hruppariche sajilo tim mrangbari jhan tilai aare
Thahanon tanon aatapa tim mhangse nebsi khaba khare
Glusi yangsam mhangla shenhor glusin tasai upsela
Chyakchhik bhenan deba semye mhangla tupse dhupsela.



Mhangri mrangba bhenan chhyoba datte dona theba aare
Tila she khai chu mhang biba datte dona seba aare
Mhaisi shyapsam mhangla fal jyomogangnon fupsela
Chyakchhik bhenan deba semye mhangla tupse dhupsela.



2065 Jeth 27 Gate Sombar
Okazaki,Japan
4
Gadeka noba muchiwa chu mu Ngadai thurba rahar tam
Fyangsi nibari byap aare ngala tilaasi juse othepa cham.



Chhesing Thapa chu yaase chyoithen brigu thomyangsam
Ra mhe chhaba chu duiri lopkhang nisi domyangsam
Mhise hrangnon ngaiyenon chhar chhar duila gosela taam
Fyangsi nibari byap aare ngala tilaasi juse othepa cham



Prangbo lhuiri kekajim kyonglan aanga-jaja nga
Braba loppa tima dui hyanden chu wari mula da
Seba Goba Do myangsam dattela thimnon posela ngam
Fyangsi nibari byap aare ngala tilaasi juse othepa cham.
2065 Jeth 26 Gate Aaitabar
Okazaki,Japan
Beluki 11:20 P.M.
5
Chiththi baba hulakise yela minla chitthi bajim
Jama duirim ngala blanon yesi khaba hrangnon taajim.



Hatar laasi thwangsi chyaji dosi dosi dhosi chyaji
Khaima neji semnon tangsi khaima kraji mikhli fyasi
churang ngamji chitthi nghangri yenon tisi ngaden khajim
Jama duirim ngala blanon yesi khaba hrangnon taajim.



Yese ngada danban mula ajhai maya laban mula
Ngala gyalam rungsi tisi re la ajai jyaban mula
Chu taam thesi ngala semmi blap blap hrangnon furfur shyajim
Jama duirim ngala blanon yesi khaba hrangnon taajim.
065 Jeth 27 Gate Sombar
Okazaki,Japan
6
Khlasi niba maya yese Ngada churang tilda laaji
Mlege bisi bolmam jhannon lhana yelan danba khaji



Giding nhiding bina binan lhanan ding posi jinji
Chhyam pre braba gyalam fesi gaden thareng dosi jinji
Yese khlasi nima hyande semri dini feba aare
Tila luse jamahyande ngala liri neba aare.



Onchhyan ngala lainu chu sem ajai mhang raban mula
Dosi yesi khala bisi yela gyalam chyaban mula
Jati kraba nganon kraji yecha jahilen neko hya?
Ngala danse chhorna lasam mhangri bisi mlego hya?
2065 Jeth 26 Gate Aitabar
Okazaki,Japan
7
M- Pada mhendo chatta thusi khyapke yela kraboiri
F- Chhumsi thanko Yese ngada yela tingla shyadoiri.



Yela mayan ngala lahyul yela tangba zambuling
Jahlen thwansi thanba mula yeta laagi ngalai ting
Yela neban ngala tangba,Jahilen yese nesi tisam
Ngala tingnon tangsi pinna,yeta laagi rhiji bisam.



Tila reri kewa kinjim,Yela maya yangna laazi
Yela onchjhang ngala mayam khalang khalang chyangna taaji
Denba maya hinba maya tothang mathang khaimai aata
Ye nga diksi pangma hyande lapa lungsur khaimai aakha.
2065 Jeth 27Gate Sombar
Okazaki,Japan
11:25 A.M.
8
Tilda sarji mhendo ye hrejak ghi ta nebari
Yela rupla pujari bhamarala sem ta debari.



Yungba rensi la tenba la ta tangna labari
Swarthi mhise yeta thula Hrangta dharma chhabari
Chu tam jamman thaha tasai khalasi khamba mlebari?
Tilda sarji mhendo ye hrejak ghi ta nebari



Dini Gangri semaichhyam yelai the lhui samnila
Tirela kewa yangsainon kyongtan baasna thamnila
Lhaman lengba muba tim ye gyam mhise sebari
Tilda sarji mhendo ye hrejak ghi ta nebari
2065 Jeth 26 Gate Aaitabar
Okazaki,Japan
Beluki 11:55P.M.
9
Muglan niba mhita Ngyoiko Namsa Hyulla Danba Tila
Jaama chhekken thaha tala khappa hrangla khappa mhila.



Gangshyong thasi hyulsa khlasi mhila hyulri nhemahyande
Kharanglaasi sola tala semnon gangsaal taamahyande
Muglan niba mhita Ngyoiko Mhangla saai gade tala
Jaama chekhkhen thaha tala chju sem kroma gade chhala.



Semta khisi tibam shola Birano the mhila hyulri
Brayen brala geyen lala mhilan duiri mhilan kulri
Ngyoisi chyako jama duiri chu sem gade krala tala
Jaama chekhkhen thaha tala mikhli bema tila khala.
2065 Jeth 27 Gate Sombar
Okazaki,Japan
10
Chatta thusi Sarba mhendo yela krari khyapge mhanji
Mharla phiri mag mag basna ajai ngada kapge mhanji.



Tila duiri yeta shengjim la sangese thahanon aare
Yela lise hyal aatapa churi khapai glanon aare
Nuppa gandi bhandai nupaa the sem Yela dapke mhanji
Mharla phiri mag mag basna ajai ngada kapge mhanji.



Mhi jebala sem ajyaro mhise pangba theba muba
Yela onchhang koisi chyamam ngamji bhenan thetam luba
Tini yela maya yangsi chhar chhar gyalam chhapke mhanji
Mharla phiri mag mag basna ajai ngada kapge mhanji.
2065 Jeth 24 Gate Sukrabar
Okazaki,Japan
11
Mhar ta kasi for aato khu ta dapla dor aato
Yeta maya labari nga mula sem yese lhana kor aato..



Jyan ri bisai dhanri bisai khalai bhanda mathang aare
Ngala semri yenon mula jakki suttai khyathang aare
Thwangban mula semla mrap chu gyalam yese thor aato
Yeta maya labari nga mula sem yese lhana kor aato.



Yela Maya mharla musam ngalai maya mhuila aahin
Lai khau maya lhuibhar tiba chhinnagila duila aahin
Ngala maya chokho hinna shyandola hrang chhor aato
Yeta maya labari nga mula sem yese lhana kor aato.
2065 Jeth 24 Gate Sukrabar
Okazaki,Japan
12
Jindagila gyamnon poji yela maya yangmahyande
Maya biba balla goji yese ngada pangmahyande



Thenon gyalam thenon glasa chhar chhar ngamba chuji darse
Churang nghamba khalai aare ngala biba yela kyarse
Jindagila mhangnon poji yeten hruptamahyande
Thangnon mhaji Dungalmi Mayala dupmramahyande.



Chu mhilhuila kewa kinsi tilda khaji Zambulingringri
Ngaiyen goji khala tila Dhuk Dhuk laasi chhyonba tingri
Chu Lhui lichhai tongja kewa yeten chhyamnon kinge mhanji
Thahanon aare khaima yese ngada yela tingri thanji.
2065/02/29 Wednesday
Okazaki,Japan
13
Dansi bransi tiu hya ye flik dosi ngakhala
Ngala biba yenon hinna yelai biba ngatala.



Pada sarba dihinon song song kharba mhanchhainon
Jhakki sutai akrako ye ngada thuk thuk dhansainon
Chu ting ngangri thansi yeta flik dosi ngakhala..
Ngala biba yenon hinna yelai biba ngatala.



Tini mhunu dopnon tasai nagsal mrasi tisam ye
Semri Tilai amhannagi kongnalasi khisam the
Ngangar shyori hyalta thosi flik dosi ngakhala..
Ngala biba yenon hinna yelai biba ngatala.
2065/02/29 Wednesday
Okazaki,Japan
14.
Kala saino tilai ahin semla saino gren tim
Hrangla mhila thareng ngamla bibai hyangla sem tim



Tila dona arkun muba yeten ngala gyalam nata
Jindagiri Semla chhose khiji tini yeten ngata



Nga kewainon yetan tim Ye kewainon ngatan tim
Nafa noksan aatabaja piratila khatan tim.
15.
Chyako chyako tila jena Sinsor nhejim sarba mhendori
Yenon tijim khaima ngala jim jim meela chu nyalmori.



Ngai jailen mhanmuba gorki mhgangche mrangmuba
Ngada chekkhen maya laba gorki semjo tangmuba
Thela semri nga che takai ngalai semri the tikai
Ngala hyulri lanirhang jahilen nesi fetikai.



Pura taaji mhangye ngala chu lhui kewai jyaba taaji
Jaamahyande ngala semjo khaima yese maya laaji
Chu sem ngala ngyanon aangyan daarem yeten febari
Khalse aakham chu ting nghangla yela photo debari.
2065 Asar 2 Gate Sombar
Okazaki,Japan
Diuso 1:41baje
16
Ngade prangbo chu mhilhuiri shyanmhi khalai aare taala
Ngada bisi fesam laani ngyala mhunrin the khre taala.
17
Sarba mhendo bamnalasi Tini mhuna Lani kraji
Ngalai Semri Khalai khasi me dibahrng taaji.



Ngala biban lani muba jahilen hyal juba
Thela hyalri timahyande hrangdan mleba muba
Jahilen neba ngala laani Tini mhunki kraaji
Ngalai Semri Khalai khasi me dibahrng taaji.



Bina Bharkha Ngai braba gyam bhenan bhenan fupji
Ngai Damba Mhendo khyapji shyando mhisen thusi
Ngala Thiba bhagya mrangsi saayed tini Laani kraji
Ngalai Semri Khalai khasi me dibahrng taaji.
2065 Asar 9 Gate Aitabar
Okazaki,Japan
Raati 12:04 baje
18
Rimjim Rimjim naam taaiji Yela the lhui baamnaagi
Ngai Lala maya tinghyande chu lhui bhartan dannagi



Byongsi niba kyui hrangba posi niba duihrangba
Aala maya khaimai ngai jahilen fuppa dhuihrangba
Yela Tingla the hyulri ngadai yese thannaki.



Nghrela aahin chu maya ngangar nisi thumbari
Hyolaba ahin khalaila mranglaki bisi chhumbaari
Ye nga diksi chhyam brai khau Duniya jamman mhannaki.
2065 Asar 9 Gate Aitabar
Okazaki,Japan
Raati 12:25 baje
19
Mhunala Dopta detasi Chhar Chhar hyalta Thotasi
Chhar Chhar Dini feji ro,Mhuna ta shyori Potasi.



Ngachhala Luchchha dhinilam Dhoi tila bisi thaha aare
Khalang nisi femukyam the feba mrangba gla aare
Dinila Dhoiri ti mhanba Prangbola semta gotasi
Chhar Chhar Dini feji ro,Mhuna ta shyori Potasi.



Ngalai jaja brangthori chhar khaba Dini fela wa
Jajan tasai ngalai hyul Dinila hyalrim jela wa
khalaila muththiri Atina kyongtan chyo Hyal Jutasi
Chhar Chhar Dini feji ro,Mhuna ta shyori Potasi.
065 Asar 9 Gate Aitabar
Okazaki,Japan
Raati 1:10 baje
20
The mu krasam chu sa fula lani krasam seet Dola
Yecha khaimai aakrako hya yela mikhleese sem krola.



Jahilen krasi blappa chu sem balla then tamula
Semla Dihiri mhangla pupu balla chhyake lamula
Yese Krasam Tanon Naisi The pupunon Tainila
Chu Semri Dosi Mhelam Lungsam Khalang nisi Sainila ?



Yenon Ngala mila fole Yenon ngala nheten ting
Baru yese nesi tisam jela ngalai Zambuling
Semsen Pangba Yeta ngai Yemi jahilen neko hya
Yela semri muba Dungal Ngadai Feksi Teko hya?
065 Asar 10 Gate Mangalbar
Okazaki,Japan
Beluki 8:35 baje
21
Shyori Feba Dini Ye Ngala Dhimri Femuba
Darse theri Ye Fema Tila Sangyur Themuba ?



Pardesi nga Kola dansi ApaAmse Surta Lamula Ro
Ngala Tingjo Lainu Jaame Aapa Mhaisi Kramula ro
Hyulgyam Khaba Mhikadese Churang Bisi Semuba.



Tafole hyalde Hyaljiwa Lee Ngala Semjola Kratasi
Tiwarri Buringla Chhajiwa Mee Ngala Gyalam chyatasi
Lhochhar Khamam Kyong Diksi Shyasi Kosi Nemuba.
065 Asar 10 Gate Mangalbar
Okazaki,Japan
Beluki 7:00 baje
22
Hwai bribarin Kejim Ngam Khaimam Churang Nghamula
Yela Minri bribarim Jhan Aaudin chu Sem Jhanmula



Yeten Hrup Aatasam Yese maya Aalasam
Hwaila Melham aalungsela Yese Sing aafarsam
Yenon Ngala Whaila chhig Yenon Hinna Bhaka
Yeten Fesi Tiba Duirim Whainon Ngata Aakha.



Yela Lichha Darem Ngala Hronon Taaji Chu Whai
Yeten Chu Whai Aareba Hyul Dannon Akham Ngai
Sote Soji Nesi Krasi Chu Whailan Gungri
Simai Lungge Mhanba ngatam ngala Whailan Lungri.
065 Asar 10 Gate Mangalbar
Okazaki,Japan
Sanjha 5:45 baje
23
Khangba nisi BanPakhari Dong Ping Jaba Bukala
Aaudin Yela Danba khala, Otarsika Chu Ting Shukhala.



Ghade Korsi Chu BanPakha Ye nga chhyam Bramuba
Sisai Sosai Ye Nga Chhyam Hya ? Bisi gran Ye Chamuba
Khangba laari yangba Dungal Koilise jaba Lhukala
Aaudin Yela Danba khala, Otarsika Chu Ting Shukhala.



Riturhangnon Posi Tiba Papi sem Tim Yela
Ngala Tila Dasaa Nhg0ngsi Taajim Yela Fela
Ra Mhe Chhaba Godepase Pulang Jaba Thukala
Aaudin Yela Danba khala, Otarsika Chu Ting Shukhala.
065 Asar 10 Gate Mangalbar
Okazaki,Japan
Sanjha 4:55 baje
24
Paapi semthen Fesi tasam Khaiman Fesi Tisela
Nalis Yusi Ijlas Tasam datten nalis Brisela.



Gaden Musai Achhyoba Gaden Pangsai Agoba
Jatti Yangji Jhan Jhan Lov Iman Jaman Atopa
Hrangdan Chungji gaden Rem hranglan Saita Mletasi
Gaden siji Gaden rem Mhila Onchhang Petasi.



Daiba Yese Khai Tilda Mhida Pinji Paapi sem
Shyanla jenon tatikai Hrangda Yosam chhyoba tim
Mhilui jahilen Taba tim Hranglan Semla Godepa
Paapi Semse Mhaiba tim Mise Mrangba Mudeba.
065 Asar 10 Gate Mangalbar
Okazaki,Japan
Raati 10:26 baje
25
Parilan Jaameki Mhendola fole Jukyap taaji nga ye mrangsi
Sagun Thansi hrigau ki Dimri Aap then Aama ta Taam paangsi



Ghade Dui Tesi Khaimaka Shengji La Sanggese Yehrangba
Badam chyasi mi Shengjim Shya hoi Shengjim Nghehrangba
Glinghrang Tar tar Swa yela Krepcha Bisai Singsor hrang
Koileela kaila Tilase taam Ghade jeba naa wa jyomogang.



Yetan Shyahar labari bisi Shengjim Sangese Ngadai Tila
Darese kyarla maarla mi Ye mhendo ngala Dihila
Sartiu dihin Ghade jena duniya Saknon mhannaki
Ghade jeba jodi Ye ngala Bisi Duniya kyongsen Daannagi.
065 Asar 11 Gate Budhabar
Okazaki,Japan
Raati 10:15 baje
26
Hranglan Namsa Hranglan Hyul Chu Ting Nhangri Thantasi
Flik Dosi Khaji Nga Yelan Maya Dantasi.



Mhila hyulla mharnon tasai Hranglan Hyulla sangmo gren
Darem Hrejjak Tiakham Nga Fesi Ngala Gyalmo then
Dopri Thorpa Chu semri Nangsal Chhar Chhar Gyantasi
Flik Dosi Khaji Nga Yelan Maya Dantasi.



Pada Ajai Sarban tim Jyomogang ye neban tim
Ngala Hyulsa Ngala Namsa Ajai Oden Jeban Tim
Sailung Gang then Temal Gang Tijim Ngadan Brantasi
Flik Dosi Khaji Nga Yelan Maya Dantasi.
065 Asar 11 Gate Budhabar
Okazaki,Japan
Raati 11:55 baje
27
Yese ngada tila laaji Semla gling Jamman Nghyuji
Shyongla Balwa hrangba Semri Chhar Chhar Rahar Dappen buji.



Lhaman Dui Taba muba Semla Rahar Song Song Kharba
Gaden Rela thaji Ngai Audin Audin Rong Rong Chhorba
Fak Fek Freba Semla Buri Aashala Blu Yese Suji
Shyongla Balwa hrangba Semri Chhar Chhar Rahar Dappen buji.



Yela Onchhang Ngala Chu Sem Tila khaiman Bresi Jinji
Ngaye khaiman Ngala chu Sem Jaman Yetan Presi Pinji
Tilda mugyam Tini Nghangar Chhar Chhar Mhangye Mrangba chuji
Shyongla Balwa hrangba Semri Chhar Chhar Rahar Dappen buji.
065 Asar 24 Gate Mangalbar
Okazaki,Japan
Raati 09:58 baje
28.
Reko Chhorko Jyo Jyo Aale Nana Anga Reko
Hyanglai Rangari Wala Dini Feji Dini Mhendo Hrangnon Neko.



Tila Dona Doprin Tiji Gade Chu Sem Kraji
Jahilen Khangba The Re Kade Lhog Lhog Darsi Thaji
Dannon Aato The Re kade Darem Kyongsen Mleko
Hyanglai Rangari Wala Dini Feji Dini Mhendo Hrangnon Neko.



KhabarDari Lai Khau Baru Hyangse Kai Gi Lasi
Hyangla Dini Aagapkai Mlangai Khasu Khasi
Khalse Hyangda Tilai Akham Semla Longba Teko
Hyanglai Rangari Wala Dini Feji Dini Mhendo Hrangnon Neko.
065 Asar 24 Gate Mangalbar
Okazaki,Japan
Raati 10:15 baje
29
Tila jyaba Sangyur Themyangji Aama Darsem Hyangla Hyulsala
Jyo Aale Jamman Dikkaji Ro Mletasi Chheba Nghachchhala.



Song Song Kharba Blerinon PingChhe Dattem Buji ro
Ngachhala Jamman Bhwangkade Bhenase Diksi Lhujiro
Dattem Kyarsela Saurari Rala Kola fur Fur Shyamula ro
Shantila Nangsal Lungtasi Kyonglan Sem Hyal Tamula ro.



Hyngla Nakata Duisi Borba Lhunditai Kyongsen Taapji Ro
Dhui Khasi Lhupa Gyalamyen Bhenan Diksi Chhapji ro
Tire Ta Aahin Chu Dikpa Darem Jailenta Tatola
Jyo Aale Khalai Aafena Gyalam Girin Bratola.
2065 Shawan 03 Gate Shukrabar
Okazaki,Japan
Bihan 8:05 baje
30
Khappai bima silba Cha Bar Pipalla Chhaya Tim
Zambulingri Gren Biba Tingla Chokhho Maya Tim.




Fur Fur Lasi Fur Fyangji Dihiri Blap blap Gade Jena
Khaule Koile Mayala Whai Duniya Kyongsen Hur Thena.



Tilda Sarji chu Mhendo-Gade Jyaba Basna Thambari
Dhuk Dhuk Chhyonji Ting Tilda-Yela Maya Thanbari
Zambulingdan Lop Pinge Mayala Artha Flok Sena
Khaule Koile Mayala Whai Duniya Kyongsen Hur Thena.



Gangsal Maya Yese Lau Gangsal Kaapsi Kyong Laala
Gade Jeba mrangla Mayala Dhim Mayase Nhanba Ye Ngala
Dhukur Hrangnon Fyangsi Ti Ye Nga Khaimai Afena
Khaule Koile Mayala Whai Duniya Kyongsen Hur Thena.
2065 Shawan 04 Gate Sanibaar
Okazaki,Japan
Raati 11:02 baje
31
Gorki yudda Thumji darem dappen arko Yudda tige
Chupalsenon Hyangsen Daala Semgyam benan Longpa Tege.



Darem Tiba yudarimi Tumbak Ahin Brigu Thige
Kaala wala Dongrapa ahin Chhar Bicharla Dongrap Brige
Chu Yuddase Mhila semri Longba Ahin Jhan Bang Kaapkai
Hyulla mlangai Khasukade Laba Dosi Tapkai.



Fyukpo Prangbo Gungla gyalam jamman jaman Tunji Bisam
Aseba Then Aagobala Namsa Glasa Thumji Bisam
Hyansen Daasi Chupalsenon Mhanko Hyangla Yudda Beji
Shantila Nagsal Mrabari Dosi Arko Budda Keji.
2065 Shawan 07 Gate Sombaar
Okazaki,Japan
Diunso 2:57 baje
32
Swarthi Mhise Plingba Chu Zambulingla Tila Taam
Maya Lovla Gyang Gyamse Balla Tini Tharba Ngam.



Kharang Laasi Thaji Chu Lhui Tila Lasi Niji The Dui
Chhi Ghi Suttai Ngyoiba Aare KhalaiKhasi Ngada Khaimai
Tini La chu Duiri Ngada Aato Tilai Den Salaami
Sote Bolji Yagar Ghinon Sima Tilla Malami.



Kraye Aato Khalai Tini Ngala Danri Mikhli Puisi
Prangbola The Kuthapri Pingo Baru Me Fuisi
Hro Kappala Semnon Musam Chhonbo Mhitan Nisi Hro Lau
Tini Siba Mhila Lichha Jatra Tesi Khalai Abrau.
2065 Shawan 11 Gate Sanibaar
Okazaki,Japan
Raati 10:49 Baje
33
Khlasi Niba Maya Yela Dosi Tini Danba Khaji
Balla Kharba Chu Mi Ngala Dosi Tini Bamba Taji.



Gade thaji Serkha Barkha Semri Lungba Melham Jorsi
Hyana Laaji Tingla Chu Por Samjautala Malam Forsi
Balla Buba Aasala Dong Dosi Taarin Khanba Taaji
Balla Kharba Chu Mi Ngala Dosi Tini Bamba Taji.



Dhopnon Tasai Tini Nasam Nhangar Shyori Dini Fela
Yeta Dansi Krasil Dopa Chu Sem Ngala Nenon Nela
Semri Jorba Mhangla Pore Dosi Tini Thamba Taaji
Balla Kharba Chu Mi Ngala Dosi Tini Bamba Taji.
Singer:Rambabu Yonzen
Music:Chandra Kumar Dong
Album:Danba
34
Ye Hoi Dolmo Ye Hoi Palmo Kharang Laasi Rese Kra
These Mhendo Khyapsi Pinmam Pesi Khalang Laase Nga.



Semnon Aaudin Nyanba Chhorba Thela Danba Khammami
Blap Blap Rhangnon Shyaimhanba Fur Fur Tangsi Jammami
Dhuk Dhuk Laasi Chhyongji Tingyen Thila Biban Rhanglaasi
Ngami Onnon Papge Laaji Chungoi Gyalmo Banglaasi.



Tilda Mugyam Tini Nghangar Mhangye Mrangba Pebalan
Khasu Ngangri Khalang Khalang Theten Korba Nebalan
Sagun Gyansi Chupalsen Ngada Rhibar Khalaro
Datten Ngami Pesi Siji Chhinggoi Ngada Ngala Rho.
2065 Shawan 13 Gate Sombaar
Okazaki,Japan
Diuso 2:24 Baje
35
Chu Mi Ta Khai Tila Taji Ye Bima Shyanda Aachya Ro
Chu Semse Pangba ngada Yeten Bima Shyandoden Ajya Ro.



Tila Shyo Khai Tila Ngyase Jailen Yeten Tiche mhanba
Mhuna Mhersai Mhangri Suttai Khaba Jailen Yelan Danba
Yethen Bramam Thala Mhanba Khaba Benan Apthyaro.



Khalse Blabar Akham Darem Yela Mayala Gyangse Gyoipa
Chyakai Baru Duniyase Yela Mayase Nga Ngyipa
Chu Ting Desi Tapa Hwang Shyando Khalse Akhyaro.
2065 Shawan 13 Gate Sombaar
Okazaki,Japan
Beluki 8:14 Baje
36
Chu Jobanse Tila laaji Tila Dui Chu Khaji
Tilala Reta Dansi Mhang Mrangba Hrang Taaji.



Ramhe Chhama Tangsar Bleri Gade Tapsi Bramuba
Pingai The Amba thusi Gade Chhapsi Chamuba
Gaden Glangji Dappa Yungba Gaden Klangji Lasang
Khaima Shosi Changchhar Mhasar khaima Angi Ashyang.



Thenon Laani Feban Mula Thenon Mula Dini
The Dui Benan Khalang Niji Mhangrang Doji Tini
Khalai Se Khamla bisam Basi Baule ngada The Dui
Sarba Mhendo Hrangban Tim Ye Ngala Chu Lhui.
2065 Shawan 21Gate Mangalbaar
Okazaki,Japan
Raati 10:30 Baje
37
Jamman mhila hrangban semtim yelai Thaha yangji
Semri Muba Jaja AshGi Tini Theyen Tangji.



Ghade Tangba muba chu sem Yela Maya Yangsi
Thala Mhanba muba chu Lhui Darem Klangsi Klangsi
Mhefra Dona laji The mhang Tini Yese Krangsi.



Galti Ngalan Hinna Yeta Semla Glenon Mhanji
Tila Thaha Kuri Yese Chhyarba Chhuri Thanji
Braba Gyalam Thorna Laaji Taana Gyalam Pangsi.
2065 Shawan 21Gate Mangalbaar
Okazaki,Japan
Raati 11:48 Baje
38
Udharorin Pinsi Tasai Chu Lhui Chunge Mhanji
ShuSher Bena Hoshnon Mhana Tini Thunge Mhanji



Hrangla Biba Bhenan Bhenan Tini Thareng Taji
Shyongkunila Yungbahran Chu Lhui Tana laaji
Dipa chu Ting Jorba Bhandam Merin Chhyonge mhanji
ShuSher Bena Hoshnon Mhana Tini Thunge Mhanji



Bajo Burhang Kharba chu sem Fula Bisi Mhanba Aare
Chu Lhuiri Banki Darem Tilai Aasha Thanba Aare
Byarthai Mrangba Mhangla Mrap Benan Dunge Mhanji
ShuSher Bena Hoshnon Mhana Tini Thunge Mhanji
065 Shawan 21Gate Mangalbaar
Okazaki,Japan
Raati 12:41 Baje
39
Sa Pobari Mlela baru Yeta Khaimai Amle Ngai
Chu Ting Tebari Khamla Baru Yela Danba Ate Ngai



Yela Semri Tila Mugyam Ngala Semrim Yenon
Yela Maya Yangbari Lakhamla Ngai Jenon
Lungba Meri Chhyongla Baru Yeta Khaimai Amle Ngai
Chu Ting Tebari Khamla Baru Yela Danba Ate Ngai



Ngala Dinye Yenon Darem Yenon Ngal Shyoye
Jindagila Gyalamri Chhyam Braba Hroye
Hranglan Khare Grela Baru Yeta khaimai Amle Ngai
Chu Ting Tebari Khamla Baru Yela Danba Ate Ngai
065 Shawan 22 Gate Budhalbaar
Okazaki,Japan
Beluki 9:49 Baje
40
Chhong Tim Maya Yela Laagir Pango Yela Sayee Gade
Chu Lhui Bharta Lagiri Yeta Fatola Ngai Gade ?



Ngaimi Yeta Tingla jori Dingsi Thanba Muba
Hrangla Bima Lhana Maya Yelan Mhanba Muba
Khel Tim Maya Yela Lagir Kharang Laasi Klange
Chu Sem Ngala Tila Taji Kharang Laasi Pangse.



Galti Yela Chekhen Ahin Ngalai Mula Lhana
Tilda Danse Darem Onnon Chu Ting Ngala Chhana
Khyal Tim Maya Yela Lagir Mhita Nena Laaji
Balla Balla Duppa Chu sem Dosi Dena Laaji.
065 Shawan 22 Gate Budhalbaar
Okazaki,Japan
Raati 10:37 Baje
41
Damfu Hrapko Tungna Hrapko Ngada Shyai Mhanji
Ngirela Chu Jindagiri Tini Chhuna Laai Mhanji.



Taya Bala Kyui Chu Lhui Datte Taila Darma Taila
Thosi Khaba Arem Khalse Chu Lhui Mhar Mhui Faila
Funti Hrapko Kai Kapko Ngada Whai Koi Mhanji
Ngirela Chu Jindagiri Tini Chhuna Laai Mhanji.



Dukha Sukha Munon Mula Tini Benan Khau Mlege
Kraba Semla Mikhlee Fyasi Khaule Chhinnag Nege
Pathal hrapko Bang Kapko Ngada Shyai Mhanji
Ngirela Chu Jindagiri Tini Chhuna Laai Mhanji.
065 Shawan 22 Gate Budhalbaar
Okazaki,Japan
Raati 10:57 Baje
42
Semla Gyalam Thumji Tini Darem Khalang Nise
Churse Orse Khalai Are Khalda Guhar Hrise.



Braban Muba Hranglan Gyalam Yese Pangsi Poji
Bathan Feba Tangi Tini Yese Ngada Shoji
Brana Branan Blappa Chu sem Khalang Nisi Nhase



Ngadam Churang Laaji Laaji Shyanda Darem Alau
Chhyona Labar Akhamba Gran Byarthai Darem Achau
Semla Nangsal Siji Darem Khalang Nisi Mrase
065 Shawan 25 Gate Sanibaar
Okazaki,Japan
Raati 11:25 Baje
43
Luchchha Tim yela maya Balla Tini Ngai Goji
Paapi yela Mayase Tini Ngada Hripa Mhi Shoji.



Muthinag Yela Mayata Saya Murila Bo Khlaji
Chinnag Yela Hro Yangpari Chyam Braba Hro Klhaji
Dobato ri Dotasi Ye Fesi Niji Gyam Posi
Paapi yela Mayase Tini Ngada Hripa Mhi Shoji.



Tini Ngala Behal Taaji Na Taari Na Tong Jori
Neba Tangba Borji Yese Mikhlee Tiji Ngala Bori
Yese Khansi Niba Chu Sem Aabu Taala Khai Dosi
Paapi yela Mayase Tini Ngada Hripa Mhi Shoji.
065 Shawan 32Gate Sanibaar
Okazaki,Japan
Raati 11:14 Baje
44
Yese maya Lau ki Alau Yetan maya Laazi Ngai
Chu Lhui Ngala Yetan Taaji Tini Chu Gran chaji ngai



Yeten Tuiba ngala chu sem Darem shyanri Aani
Yenon Ngala Semla Dini Jailen Feba Laani
Yese Hro Lau ki Alau Mayalan Gyamri Brazi Ngai
Chu Lhui Ngala Yetan Taaji Tini Chu Gran chaji ngai



Laba Khagai Menon Lungai Zambulingnon Patti Tagai
Chu Mayata Fe Aakham Tingnon Ngala Thasi Bo Lasai
Yese Chhyuku Yuu Ki Ayu Mayala Nangsaal Mraaji Ngai
Chu Lhui Ngala Yetan Taaji Tini Chu Gran chaji ngai
065 Shawan 32Gate Sanibaar
Okazaki,Japan
Raati 11:37 Baje
45
Shyongye Thaji Kathi Mleji Baigunise Tini
Khasu Flajim Ngala Semri Khyapji Laani Dini.



Luchchha Maya Laajim Yese Hrangla Swartha Chhyobari
Ngadam Chamka Shojim Yese Hrangla Dokhang Dobari
Dokhang shyapji Gyamye Mleji Baigunise Tini
Khasu Flajim Ngala Semri Khyapji Laani Dini.



Yungba Chhepsi Maya Lingri Bulgu Rena Laazi
Denba Maya Laba Semtan Yese Pena Laazi
Jori Doji Tayen Mleji BaiguniSe Tini
Khasu Flajim Ngala Semri Khyapji Laani Dini.
065 Bhadau 1 Gate Aitabaar
Okazaki,Japan
Raati 12:01 Baje

No comments: