ऋतु जस्तै फेरी रहने तिम्रो मनको के कुरा
कुटु कुटु रेट्यौ मुटु,बोली हो कि चक्कु छुरा !
चट्ट छिनाई दिए बरु थोरै पिडा हुन्थ्यो होला
माया भन्ने बुझ्ने भए तिम्रो मन नि रुन्थ्यो होला !

मेरो भन्नु तिमी मात्रै,तिमी हांसे पुग्यो
अरु त के मागौं खै,माया गांसे पुग्यो !

मनको कुरा मनले बुझ,भने सबले सुन्ला
यो मुटुमा पसिहाल,नत्र ढोका थुन्ला !
तिम्रो मेरो सल्लाह पनि होला हल्ला सरी
तिमी मेरो म तिम्रो,माया पल्ला भरी !

दिलै मेरो चोरिसक्यौ,अरु चोरको के कुरा भो
तिम्रै साथमा रमाउने मेरो चाह पूरा भो ।
जेल नेल जे जे दिन्छौ,सबै सजाय भोग्न मन्जुर
माया पनि त दिन्छो होला,कि कसो मेरो हजुर ?

हुरी बताससँगै रातभरि पानी परिरह्यो
शिरानी नै भिज्यो मेरो, यो कस्तो झरी भयो !!

कंक्रिटको छाना छाई घर मेरो पक्का ठान्थें
थप्प थप्प थोपा चुही,कुना काप्चा भरी भयो !!

सुनसान त्यो मध्यरातमा,उर्लिदै थियो रोशी
बिरहको गीत गाउदै, माझी डुंगा तरिरह्यो !!

पटकपुटुक आवाज थियो,असिना पो थियो क्यार
प्रहार थेग्न नसकेर,फूलको थुँगा झरिरह्यो !!