ऋतु जस्तै फेरी रहने तिम्रो मनको के कुरा
कुटु कुटु रेट्यौ मुटु,बोली हो कि चक्कु छुरा !
चट्ट छिनाई दिए बरु थोरै पिडा हुन्थ्यो होला
माया भन्ने बुझ्ने भए तिम्रो मन नि रुन्थ्यो होला !

मेरो भन्नु तिमी मात्रै,तिमी हांसे पुग्यो
अरु त के मागौं खै,माया गांसे पुग्यो !

मनको कुरा मनले बुझ,भने सबले सुन्ला
यो मुटुमा पसिहाल,नत्र ढोका थुन्ला !
तिम्रो मेरो सल्लाह पनि होला हल्ला सरी
तिमी मेरो म तिम्रो,माया पल्ला भरी !

दिलै मेरो चोरिसक्यौ,अरु चोरको के कुरा भो
तिम्रै साथमा रमाउने मेरो चाह पूरा भो ।
जेल नेल जे जे दिन्छौ,सबै सजाय भोग्न मन्जुर
माया पनि त दिन्छो होला,कि कसो मेरो हजुर ?