तिमी त अर्कै भईछौ

ऋतु मौसम फेरिए झै तिम्रो मन नि फेरेछ


शङ्काको बादलले तिम्रो गगन नि घेरेछ

चौतारीको शितल छोडी कतै अन्तै गइछौ

विश्वास भयो मायालु तिमी त अर्कै भईछौ !



भिखारी थिए यसै म त झनै जोगी बनायौ

कसरी म बस्नु अब यो मनै रोगी बनायौ

साथै खाको वाचा भूली तिमी त अन्तै गइछौ

विश्वास भयो मायालु तिमी त अर्कै भईछौ !



सुन खानीमा फाल हान्यौ पित्तल खानी नपरोस

तिम्रो आफ्नै राज्य होस् देश बिनाको रानी नबनोस

सपनाको देश खोज्दै तिमी त अन्तै गइछौ

विश्वास भयो मायालु तिमी त अर्कै भईछौ !